Arsenal og Manchester United mættust í lokaleik dagsins í ensku úrvalsdeildinni þar sem fjögur mörk voru skoruð og eitt rautt spjald fór á loft.

Leikurinn var ekki fimm mínútna gamall þegar Antonio Valencia var búinn að koma gestunum í Manchester United yfir. Sjö mínútm síðar var staðan orðin 0-2 fyrir gestina frá Manchester þá var það Jesse Lingard sem kom boltanum í netið.

Arsenal fékk fín færi til að minnka muninn undir lok fyrri hálfleiks
en ekki tókst það vegna David de Gea sem var í miklu stuði í dag og átti flottar vörslur.

Það var hins vegar í upphafi seinni hálfleiks sem Arsenal mönnum tókst loksins að koma boltanum fram hjá De Gea. Þar var að verki Frakkinn, Alexandre Lacazette.

Lokamark leiksins gerðu gestirnir frá Manchester, Jesse Lingard skoraði þá annað markið sitt í leiknum á 63. mínútu.

Á 74. mínútu fór rautt spjald á loft eftir að Paul Pogba traðkaði á Hector Bellerin.

Manchester United er í 2. sæti ensku úrvalsdeildarinnar með 35 stig, Arsenal er í því fimmta með sjö stigum minna en Manchester United.