Berglind Björg Þorvaldsdóttir var allt í öllu þegar Verona lagði Empoli í úrvalsdeild kvenna á Ítalíu í dag.
Verona hafði ekki unnið í fimm leikjum í röð fyrir leikinn í dag, en Berglind sá til þess að Verona komst aftur á sigurbraut. Hún skoraði bæði mörk liðsins í 2-1 sigri.
Arna Sif Ásgrímsdóttir og Shameeka Fishley, fyrrverandi leikmaður Sindra, spiluðu líka með Verona í leiknum.
Verona er nú í áttunda sæti af 12 liðum. Fiorentina með Sigrún Ellu Einarsdóttur innanborðs er í fimmta sætinu. Fiorentina burstaði Fimauto Valpolicella í dag, en Sigrún var á meðal varamanna.
Verona 2 - 1 Empoli
Mörk Verona: Berglind Björg Þorvaldsdóttir 2
Fiorentina 4 - 0 Fimauto Valpolicella
Athugasemdir