„Það var mikill áhugi frá mörgum félögum eftir síðasta tímabil en eftir að KR kom inn í myndina þá vildi ég bara fara hinagð. Þetta er stærsta félag á Íslandi og ég vildi ganga í raðir þess."

„Þetta er risa félag og ég held að allir sem spila fótbolta vilji skrifa undir hjá KR. Þetta er stærsta félagið á Íslandi að mínu mati."

Kennie sló í gegn með Fjölni í Pepsi-deildinni í fyrra en félagið nýtti sér klásúlu um að semja við hann út árið 2016. Kennie vildi hins vegar róa á önnur mið.

„Ég var hreinskilinn við þá og sagðist vilja sjá hversu langt ég gæti náð. Það var áhugi frá KR og það var stórt tækifæri fyrir mig að spila í betra liði. Ég var hreinskilinn og sagði þeim að ég vildi fara í stærra félag," sagði Kennie sem er að fara að spila sitt fjórða tímabil á Íslandi.

„Ég kann vel við mig. Þetta er eins og annað heimili mitt. Ég er að reyna að læra íslensku og ég verð að gera það ef ég ætla að vera hér í þrjú ár til viðbótar. Ég fer í skóla eða eitthvað," sagði Kennie.

Hér að ofan má sjá viðtalið í heild sinni.