Robokeeper er kominn til landsins og verður á UT messunni í Hörpu um helgina. reyndu fjórir leikmenn úr Pepsi-deildum karla og kvenna við að skora hjá honum.
Um er að ræða hátæknilega markvörslu sem hefur fengið að keppa við sjálfa Lionel Messi og Neymar með ótrúlegum árangri. Arnþór Ari Atlason og Berglind Björg Þorvaldsdóttir leikmenn Breiðabliks mættu í Hörpu ásamt Valsmönnunum Hallberu G. Gísladóttur og Guðjóni Pétri Lýðssyni og fengu að reyna sig.
Guðjón Pétur skoraði í fyrstu tilraun en í fjórðu tilraun náðu Berglind og Arnþór Ari að skora. Hallbera var sú eina sem náði ekki að skora á Robokeeper. Myndband af þessu er í sjónvarpinu að ofan.
Öllum sem áhuga hafa á að reyna sig er boðið að mæta á UT-messuna í Hörpu og taka skot en aðgangur er frír.
Athugasemdir