Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   þri 03. mars 2015 07:00
Ívan Guðjón Baldursson
Heimild: Daily Mail 
Michael McIndoe skuldar hálfan milljarð
McIndoe í leik með Doncaster Rovers fyrir tíu árum.
McIndoe í leik með Doncaster Rovers fyrir tíu árum.
Mynd: Getty Images
Michael McIndoe, fyrrverandi miðjumaður Wolves og Coventry, kom af stað svakalegri svikamyllu sem endaði með hans eigin gjaldþroti síðasta október þar sem í ljós kom að hann skuldar rúmlega 500 milljónir íslenskra króna.

Fyrr á árinu var greint frá því að Robbie Keane hafi treyst McIndoe fyrir nokkrum milljónum króna, sem er ekki næstum því jafn mikið og Jimmy Bullard á að hafa lagt í verkefnið. 

Bullard, fyrrverandi miðjumaður Wigan og Fulham, er talinn hafa pungað út allt að 123 milljónum króna.

The Daily Mail segir að reiknað sé með að McIndoe hafi fengið um 30 milljónir punda, rúmir 6 milljarðar íslenskra króna, frá fjárfestum sem hann notaði til að lifa hátt með kærustu sinni fyrrverandi, módelinu Emma Frain.

Margar sögur eru af ævintýrum McIndoe með alla þessa milljarða þar sem hann var mikið í fjárhættuspilum, leigði rándýrar villur, keypti næturklúbba og hýsti svakaleg partí þar sem dýrt kampavín var oftar en ekki í boði.

McIndoe borgaði Alexandra Burke fyrir að syngja í einkasamkvæmi sínu og keyrði um í glæsikerrum á borð við Bentley og Maybach.

Fleiri sögur eru af svikum leikmannsins þar sem hann kom sér meðal annars undan því að greiða fyrir þjónustu 30 fyrirsætna, sem áttu að fá borgað fyrir að vera viðstaddar viðburði sem McIndoe stóð fyrir.

Hægt er að sjá nokkrar myndir af glamúrlífi McIndoe og vina hans hér.
Athugasemdir
banner
banner
banner