Heimild: Daily Mail
Tim Sherwood tapaði gegn John Carver og félögum í Newcastle.
Tim Sherwood tók við Aston Villa um miðjan febrúar og hefur síðan þá tapað fyrir Stoke og Newcastle í ensku deildinni en stýrði Villa til sigurs gegn Leicester í bikarnum.
Framundan eru tveir leikir gegn nágrönnunum og erkifjendunum í West Bromwich Albion, annar í deild og hinn í 8-liða úrslitum bikarsins.
Framundan eru tveir leikir gegn nágrönnunum og erkifjendunum í West Bromwich Albion, annar í deild og hinn í 8-liða úrslitum bikarsins.
,,Það er ennþá nóg af stigum í boði til að komast úr vandræðum," sagði Sherwood á fréttamannafundi.
,,Ég er einbeittur að leiknum gegn West Brom, með sigri þar komumst við úr fallsæti og munum ekki líta til baka."
Sherwood lét stór orð falla á fundinum þar sem hann hét því að undir sinni stjórn myndi félagið ekki þurfa að hugsa um fallbaráttu.
,,Ef við höldum okkur uppi í ár þá munum við aldrei lenda í þessum aðstæðum aftur. Með því að halda okkur uppi fæ ég tækifæri til að byggja eitthvað og ég myndi aldrei leyfa félaginu að vera í fallbaráttu. Ég vona bara að ég hafi nægan tíma hér til að bjarga núverandi ástandi."
Athugasemdir
