Chelsea 1 - 0 Crystal Palace
1-0 Eden Hazard ('45 )
1-0 Eden Hazard ('45 , Misnotað víti)
1-0 Eden Hazard ('45 )
1-0 Eden Hazard ('45 , Misnotað víti)
Chelsea tryggði sér Englandsmeistaratitilinn í dag með sigri á Crystal Palace á heimavelli. Chelsea hefur haft mikla yfirburði á tímabilinu og eru nú orðnir meistarar þegar þrem umferðum er ólokið.
Jose Mourinho þurfti að gera breytingu á byrjunarliði sínu þar sem Ramires meiddist í upphitun. Juan Cuadrado tók stöðu hans í byrjunarliðinu.
Heimamenn buðu ekki upp á neina flugeldasýningu í dag en voru þó ívið sterkari aðilinn í fyrri hálfleik.
Besti leikmaður deildarinnar, Eden Hazard, fékk vítaspyrnu undir lok fyrri hálfleiks. Hazard fór sjálfur á vítapunktinn og tók vægast sagt lélega spyrnu sem Julian Speroni varði. Hazard náði hinsvegar frákastinu og skoraði með skalla.
Mourinho setti John Obi Mikel inná í hálfleik fyrir Cuadrado og gaf það vísbendingu um það sem koma skyldi í seinni hálfleik.
Chelsea stjórnaði leiknum án þess að sækja af miklum krafti og sigldu stigunum þrem nokkuð þægilega í höfn,
Þetta er fimmti Englandsmeistaratitill Chelsea og sá fyrsti frá árinu 2010.
Athugasemdir