Jóhannes Harðarson, þjálfari ÍBV stýrði Eyjamönnum í fyrsta skipti í Pepsi deildinni í dag gegn Fjölni. Fjölnir vann sanngjarnan 1-0 sigur og var Jóhannes eðlilega ekki sáttur eftir leik.
Lestu um leikinn: Fjölnir 1 - 0 ÍBV
„Það er ýmislegt hægt að segja, við vorum bara ekki nógu góðir, við spilum þetta upp í höndina á Fjölnismönnum, þeir spila þetta á sínum styrkleikum."
„Þeir vilja fá boltann á miðsvæðið og það var þangað sem við vorum að troða boltanum. Það er ekki nema síðustu 10-15 sem við náum að skapa eitthvað fram á við."
„Það er erfitt að koma með útskýringar núna, ég tel að við höfum undirbúið okkur mjög vel fyrir þennan leik og við vissum nákvæmlega hvernig Fjölnir myndi spila."
„Guðjón er búinn að vera stöðugur og mjög fínn í vetur og hann átti þess vegna skilið að spila í dag og mér fannst hann standa sig vel í dag." sagði Jóhannes að lokum.
Athugasemdir