Suarez er heldur betur farinn að láta til sín taka í La Liga eftir að hafa farið hægt af stað en hann skoraði aðeins eitt mark í fyrstu tíu deildarleikjum sínum fyrir Barcelona eftir að hafa komið til liðsins frá Liverpool fyrir rúmar 70 milljónir punda.

Suarez skoraði þrennu í 8-0 sigri á Cordoba í gær og er nú kominn með 16 mörk í deildinni.

„Ég er ánægður með mörkin en sigurinn skiptir mestu máli þar sem við erum á toppnum. Það er erfitt að skora á heimavelli Cordoba og það var lykilatriði að vera þolinmóðir því við vissum að við myndum skora".

Hann byrjaði tímabilið í leikbanni eins og frægt er orðið og átti í erfiðleikum með að aðlagast leikstíl Barcelona liðsins fyrst um sinn.

„Það tók mig tíma að aðlagast hérna í fyrstu. En ég vissi að ég myndi fara að skora mörk á endanum. Með stuðningi fjölskyldu minna og vina og með því að leggja hart að mér eins og ég geri alltaf þá vissi ég að mörkin myndu koma", sagði Suarez.