Fimmta árið í röð stendur Fótbolti.net fyrir Draumaliðsleik í Pepsi-deild karla. Að þessu sinni er Eyjabiti aðalstyrktaraðili deildarinnar sem rekin er af Fóbolta.net í samstarfi við Íslenskan toppfótbolta eins og síðustu ár.
Innkoma Eyjabita gerir Fótbolta.net kleift að halda úti Draumaliðsdeidlinni í ár. Deildin hefst í 2. umferð í ár og stig leikmanna telja frá og með þeirri umferð.
Innkoma Eyjabita gerir Fótbolta.net kleift að halda úti Draumaliðsdeidlinni í ár. Deildin hefst í 2. umferð í ár og stig leikmanna telja frá og með þeirri umferð.
Smelltu hér til að taka þátt í leiknum!
Bjarki Már Elísson, landsliðsmaður í handbolta og leikmaður Fuchse Berlin, er búinn að henda í lið. Það má sjá hér að neðan.
Markmaður: Gunnar Nielsen tekur rammann. Ég ætlaði að velja Gulla en ég er of hræddur um að hann sé með hugann við EM. FH verður pottþétt meistari og munu fá á sig fá mörk. Back-up fyrir hann er Sindri Snær Jensson. Venjulega myndi ég aldrei velja KR-ing að því ég er Fylkismaður og hata KR. Hann verður því eini úr KR í þessu liði. En Sindri er töffari og á töff fatabúð. Hann myndi líka sjá til þess að við værum allir vel dressaðir þegar við mætum í leiki og þegar við förum út að skemmta okkur saman.
Varnarmenn: Vinstri bakk er Böðvar Böðvarsson. Hann er kallaður Böddi löpp og mér finnst eitthvað hart við það. Svona eins og gæji sem brýtur á þér löppina ef þú sólar hann.
Miðverðirnir eru Damir Muminovic og Tonci “brate” Radovnivkovic. Þeir eru báðir af júgóslavískum uppruna og júggar eru þekktir fyrir að vera fáránlega yfirvegaðir á boltanum. Samskiptin verða því einnig góð milli miðvarðana.
Hægri bakk verða svo til skiptis Arnþór Ingi Kristinsson og Andri Fannar Stefánsson. Arnþór að því hann var í 12:00 í Versló og er svona semi-frægur, ég held líka að hann þekki marga í dyrunum á B5 þannig hann getur pott þétt reddað okkur öllum inn þegar við erum með móralskan. Andri er þarna að því ég var með í honum í bekk í Íþróttafræði í HR og sá þar að gæjinn er með fáránlega góða spyrnutækni og það er mjög sjaldséð í Pepsi-deildinni.
Miðjumenn: Dýpstur á miðjunni er Ásgeir Börkur Ásgeirsson(C). Það kom aldrei neitt annað til greina en að hafa hann. Hann er líka fyrirliði liðsins. Þetta er svona gæji sem þú vilt frekar hafa í þínu liði heldur en að spila á móti. Hann er bara með einn gír og það er fimmti sem verður til þess að allar æfingar liðsins eru á mjög háu og góðu tempói. Fyrir framan hann koma svo þrír leikmenn:
Eyjólfur Héðinsson: Fylkismaður með meiru. Það voru gríðarleg vonbrigði að hann hafi farið í Stjörnuna en þegar þér stendur til boða að fá einbýlishús í Garðabænum eða blokkaríbúð í hraunbænum að þá skil ég hann mjög vel.
Sigurður Egill Lárusson: Hann er ekki bara góður í fótbolta heldur mjög myndarlegur líka. Við erum jú íslenskt íþróttafélag og þurfum fólk á völlinn til þess að reksturinn gangi vel. Því fleiri myndarlegir, því fleira fólk á vellinum. Það segir sig sjálft.
Guðmundur Karl Guðmundsson eða rauða ljónið eins og hann er kallaður. Kynlífsvélin úr Þorlákshöfn. Eini rauðhærði maðurinn í liðinu en öll lið þurfa einn svoleiðis. Það er svo hægt sé að segja einhverja ömurlega brandara um rauðhært fólk við hann í klefanum þegar mórallinn er niðri.
Varamaður fyrir þá er svo Sumarliði Kristmundsson úr Víkingi Ólafsvík. Ég veit ekkert hver það er en hann kostaði bara 4 millz og við þurfum að hugsa um reksturinn.
Sóknarmenn: Jose “maria ignacio jimenez jesus” Sito og Atli Guðna verða saman upp á topp. Þó að Atli Guðna líti út eins og hann sé að vinna í tölvulistanum að þá skorar hann og leggur upp. Sýnir að þú þarft ekki að líta út eins og David Beckham til að vera góður í fótbolta. Þetta er eitthvað sem yngri flokka þjálfarar ættu að taka til sín. Jose Sito verður markakóngur, ég er nokkuð viss um það. Við Fylkismenn frelsuðum hann úr volæðinu í Vestmannaeyjum og hann mun launa okkur það með markakóngstitli.
X-factor liðsins er svo kóngurinn sjálfur, Pape Mamadou Faye. Ef okkur vantar mörk, þá hendum við honum inn á.
Smelltu hér til að taka þátt í leiknum!
Athugasemdir