Kosóvó er orðið aðildarland hjá UEFA og gæti bæst við í riðil Íslands í undankeppni HM. Fjallað er um málið á vefsíðu RÚV.
Ísland er með Úkraínu, Tyrklandi, Finnlandi og Króatíu í I-riðli undankeppni HM en ef Kosóvó verður tekið inn í FIFA í næstu viku mun fjölga í þeim riðli.
Gíbraltar hefur einnig sóst eftir því að komast aftur inn í undankeppni HM og ef Kosovo og Gíbraltar koma inn verður annað liðið dregið í riðil Íslands en hitt liðið færi þá í H-riðil í stað Rússlands.
Rússar eru gestgjafar á HM 2018 og eru því með öruggan keppnisrétt en eiga að vera sjötta liðið í H-riðli og fá þannig örugga vináttuleiki við liðin í riðlinum á landsleikjadögum næstu mánuðina, án þess þó að úrslit leikja Rússlands í undankeppninni telji.
Athugasemdir