Danny Rose, varnarmaður Tottenham, hefur beðist afsökunar á hegðun leikmanna í 2-2 jafnteflinu gegn Chelsea í gær.

12 gul spjöld fóru á loft í leiknum en tvívegis urðu mikil læti þegar leikmönnum lenti saman.

„Það er ekki gott fyrir krakka á vellinum að sjá þetta né krakka sem horfðu í sjónvarpinu. Ég biðst afsökunar ef þetta leit illa út í sjónvarpinu," sagði Rose.

„Þetta er grannaslagur á London og það má búast við þessu. Við vildum vinna og þeir vildu stoppa okkur í titilbaráttunni."