Þorlákur Árnason.
Þorlákur Árnason hættir sem yfirmaður akademíu sænska félagsins Brommapojkarna þann 30. júní næstkomandi.
Þorlákur var ráðinn til Brommapojkarna í desember árið 2014. Hann hættir í lok júní en þá mun Andreas Engelmark taka við starfinu.
„Ég er með nokkur járn í eldinum erlendis en er ekki búinn að útiloka að koma heim til Íslands í haust," sagði Þorlákur við vef Morgunblaðsins í dag.
Þorlákur er reyndur þjálfari en hann þjálfaði kvennalið Stjörnunnar og U17 ára landsliðið áður en hann fór til Brommapojkarna.
Brommapojkarna er með eitt besta unglingastafið í Svíþjóð en Magni Fannbeg starfaði einnig hjá félaginu í nokkur ár á sínum tíma.
Athugasemdir
