Framherjinn skoraði eina mark Southampton í 1-1 jafntefli liðsins við Espanyol í gær en það var fyrsti heimaleikur Rodriguez í 16 mánuði.

Hinn 26 ára gamli leikmaður sleit krossband í hnénu gegn Manchester City í apríl 2014 en hann spilaði sinn fyrsta leik eftir meiðslin í undirbúningsferð liðsins í Austuríki þar sem hann skoraði tvö mörk gegn Red Bull Leipzig.

„Þú verður að hafa há markmið og mitt markmið er að spila fyrir landið mitt. Það er aðal málið, það er besta afrek ferilsins míns og mig langar að ná því aftur."