Sunderland hefur áhuga á að fá Leroy Fer frá QPR og Yann M'Vila til liðsins.
Liðið hefur ekki boðið í Fer ennþá en þeir hafa verið í sambandi við QPR vegna leikmannsins en West Ham gæti einnig blandað sér í baráttuna.
Mögulegt er að Hollendingurinn komi á lánssamning en hann spilaði 32 leiki fyrir QPR á síðustu leiktíð eftir að hafa komið frá Norwich á 8 milljónir punda árið áður.
Talið er að Dick Advocaat, þjálfari Sunderland hafi einnig áhuga á M'Vila sem spilar með Rubin Kazan í Rússlandi.
Franski landsliðmaðurinn kom mörgum á óvart er hann fór til Rubin frá Rennes fyrir tveimur og hálfu ári síðan en hann var orðaður við mörg stór evrópsk lið.
M'Vila var á láni hjá Inter Milan á síðustu leiktíð.
Athugasemdir