„Þetta verður skemmtilegur leikur, mikið af fólki og mikið í húfi fyrir bæði lið, það er gaman að spila svona leiki," sagði Ari Freyr Skúlason bakvörður Íslands við Fótbolta.net í gær en Ísland mætir Hollandi í Amsterdam í kvöld.
„Mig langar að ná í þrjú stig eins og við höfum verið duglegir að taka í þessari undankeppni en eitt stig er frábært á svona útivelli. Við viljum samt þrjú stig og fara alla leið."
„Ef við eigum okkar besta leik þá eigum við alveg að geta unnið þá eins og við sýndum síðast heima. Það var allt með okkur, veðrið og boltarnir, þeir kvörtuðu yfir öllu. Við fengum snemma mark, það er mjög mikilvægt á móti svona liði, sérstaklega núna þegar þeir eru undir svona mikilli pressu."
Ari var minntur á að mörg stór nöfn eru í hollenska liðinu og svaraði strax: „Við erum líka með stór nöfn í okkar liði. Þeir eru með góða einstaklinga en ég tel okkur vera með betri liðsheild."
Það eru fjórir leikir eftir hjá Íslandi í undankeppninni og Ísland en á toppi riðilsins.
„Ég er ekki búinn að reikna út en ég er bara búinn að dreyma. Mig byrjaði að dreyma fyrir þessa keppni og sá draumur verður bara stærri og stærri. Það er lítið eftir en við erum bara að einbeita okkur að næsta leik og ætlum að taka eitt skref í einu."
Um 3000 stuðningsmenn Íslands verða á leiknum í Hollandi.
„Þetta er alveg ótrúlegt," sagði Ari. „Stuðningurinn heima og á útileikjum hefur verið geggjaður og ef ég þekki þá rétt þá verður massa stemmning hjá þeim allan leikinn hvernig sem fer. Þetta verður bara geggjað."
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir