„Við stígum til hliðar núna og þökkum fyrir okkur og þökkum fyrir frábæra tíma. Það munu aðrir koma núna og þjálfa þetta frábæra Leiknislið," sagði Freyr í viðtali eftir leik.

Freyr og Davíð tóku við Leikni haustið 2012 þegar liðið hafði rétt sloppið við fall úr 1. deild.

Undir þeirra stjórn komst liðið upp í Pepsi-deildina í fyrsta skipti á síðasta tímabili.

Fall varð niðurstaðan í ár en Leiknir endaði í 11. sæti í Pepsi-deildinni með 15 stig.