Lestu um leikinn: ÍBV 1 -  2 ÍA

„Ég er gríðarlega ánægður með þetta. Þrátt fyrir að við byrjuðum ekkert sérstaklega komum við vel inn í þetta undir lok fyrri hálfleiks og sýnum karakter í seinni hálfleik og siglum þessu heim. Gerum þriðja markið sem er að mínu mati löglegt, þannig að ég er mjög ánægður með þetta," sagði Gunnlaugur, en mark var dæmt af Skagamönnum.

Hann segir margt vera afar jákvætt við seinni hluta tímabilsins.

„Þetta er búin að vera gríðarlega flott seinni umferð hjá okkur, við höfum ekki tapað leik síðan í 16. umferð, við höfum sigrað þrjá leiki í röð. Þangað til að kom að þessum leik höfðum við haldið markinu hreinu fjóra leiki í röð þannig að það er margt jákvætt. Við myndum helst vilja að mótið haldi aðeins áfram," sagði Gunnlaugur, sem segir að Skagamenn hafi unnið réttu andstæðingana.

Hann sjálfur segir að hann verði áfram með liðið eftir tímabilið.