Jóhann Birnir (t.h.)
Jóhann Birnir Guðmundsson, annar þjálfara og leikmaður Keflavíkur, gat glaðst yfir því að hans menn enduðu tímabilið í Pepsi-deildinni með 3-2 sigri gegn Leikni.
Sigurinn breytir því þó ekki að Keflavík endaði á botni deildarinnar og mun spila í 1. deild að ári, en Jóhann Birnir segir andleg áhrif þó hafa verið mjög góð.
Sigurinn breytir því þó ekki að Keflavík endaði á botni deildarinnar og mun spila í 1. deild að ári, en Jóhann Birnir segir andleg áhrif þó hafa verið mjög góð.
Lestu um leikinn: Keflavík 3 - 2 Leiknir R.
„Þetta er ljúf tilfinning, það var mjög langt síðan síðast. Þetta er gríðarlega mikilvægt fyrir sálartetrið, það er nú bara þannig, þó þetta gefi ekki mikið varðandi stöðuna. Fyrir sálartetrið hjá leikmönnum gefur þetta ótrúlega mikið og sýnir að þetta er hægt," sagði Jóhann Birnir eftir leikinn.
Hann segir framhaldið vera óljóst. Hann væri til í að taka eitt tímabil enn sem leikmaður liðsins, en að spila í Pepsi-deildinni er ekki möguleiki.
„Ég veit það eiginlega ekki. Það kæmi mér ekki á óvart ef ég tæki bara eitt tímabil sem leikmaður. Það er leiðinlegt að enda þetta svona. Það er annað hvort Keflavík eða Víðir í Garði," sagði Jóhann.
Viðtalið má sjá hér að ofan.
Athugasemdir
