Heimild: Heimasíða Keflavíkur
Sveindís Jane Jónsdóttir, framherji Keflavíkur, fer í kvöld til Svíþjóðar þar sem hún verður á reynslu hjá Kristianstad í eina viku.
Með Sveindísi í för verða þjálfarar hennar hjá Keflavík, þeir Gunnar Magnús Jónsson og Haukur Benediktsson.
Hin 15 ára gamla Sveindís skoraði 22 mörk í 16 leikjum í 1. deild kvenna í sumar en hún er einn efnilegasti leikmaður landsins.
Þjálfari Kristianstad er Elísabet Gunnarsdóttir og Sif Atladóttir leikur með liðinu.
Alexandra Jóhannsdóttir úr Haukum verður einnig til reynslu hjá Kristianstad næstu vikuna eins og kom fram í gærkvöldi og Guðný Árnadóttir úr FH.
Athugasemdir