Ágúst Hlynsson að ganga í raðir Norwich
Mynd: Fótbolti.net: Eyjólfur Garðarsson
Mynd: Fótbolti.net: Eyjólfur Garðarsson
Ágúst Eðvald Hlynsson, leikmaður Breiðabliks, er að ganga í raðir enska félagsins Norwich. Þetta staðfesti Eysteinn Pétur Lárusson framkvæmdastjóri knattspyrnudeildar Breiðabliks í samtali við Fótbolta.net í dag.
Líklegt er að gengið verði frá samningum á morgun og Ágúst verður þá leikmaður Norwich.
Hinn 16 ára gamli Ágúst steig sín fyrstu skref með meistaraflokki Breiðabliks síðastliðið sumar.
Ágúst varð meðal annars yngsti markaskorari í sögu Breiðabliks þegar hann skoraði í leik gegn Kríu í 32-liða úrslitum Borgunarbikarsins.
Ágúst skoraði einnig í bikarleik gegn ÍA en samtals spilaði hann fjóra leiki í Pepsi-deildinni og þrjá leiki í Borgunarbikarnum.
Að auki varð Ágúst fjórði yngsti leikmaður sögunnar til að spila í Evrópudeildinni þegar hann spilaði með Blikum gegn Jelgava frá Lettlandi.
Ágúst spilar framarlega á vellinum en hann hefur undanfarin tvö ár einnig leikið með U17 ára landsliði Íslands.
Samtals hefur Ágúst skorað þrjú mörk í fimmtán leikjum með U17 ára landsliðinu.
Hinn 16 ára gamli Ágúst steig sín fyrstu skref með meistaraflokki Breiðabliks síðastliðið sumar.
Ágúst varð meðal annars yngsti markaskorari í sögu Breiðabliks þegar hann skoraði í leik gegn Kríu í 32-liða úrslitum Borgunarbikarsins.
Ágúst skoraði einnig í bikarleik gegn ÍA en samtals spilaði hann fjóra leiki í Pepsi-deildinni og þrjá leiki í Borgunarbikarnum.
Að auki varð Ágúst fjórði yngsti leikmaður sögunnar til að spila í Evrópudeildinni þegar hann spilaði með Blikum gegn Jelgava frá Lettlandi.
Ágúst spilar framarlega á vellinum en hann hefur undanfarin tvö ár einnig leikið með U17 ára landsliði Íslands.
Samtals hefur Ágúst skorað þrjú mörk í fimmtán leikjum með U17 ára landsliðinu.
