„Við áttum allan fyrri hálfleik og áttum að vera löngu búnir að klára þetta. Það eru góðir karakterar í Leiknis liðinu og þeir eiga fyllilega skilið að fara áfram," sagði Ágúst Gylfason þjálfari Fjölnis eftir að liðið tapaði í vítaspyrnkeppni gegn Leikni R. í undanúrslitum Reykjavíkurmótsins.
Lestu um leikinn: Leiknir R. 8 - 7 Fjölnir
Aron Sigurðarson spilaði með Fjölni í kvöld en norska félagið Tromsö hefur áhuga á að kaupa hann í sínar raðir.
„Mér sýnist að hann sé á förum. Miðað við frammistöðu hans undanfarnar vikur og möguleika sem hann hefur þá er enginn að fara að stoppa hann," sagði Ágúst en Fjölnismenn þurfa að styrkja hópinn sinn fyrir sumarið eftir að hafa orðið fyrir talsverðri blóðtöku frá síðasta tímabili.
„Það er búið að hræra í liðinu og við þurfum að byggja upp nýtt lið fyrir næsta tímabil. Við þurfum að fara yfir stöðuna og sjá hvað er í boði. Það reynir á bæði þjálfarana og allan hópinn að standa saman og gera þetta almennilega í sumar."
Hér að ofan má sjá viðtalið í heild sinni.
Athugasemdir