Barcelona slátraði Valencia í spænska Konungsbikarnum þar sem Luis Suarez skoraði fjögur og Lionel Messi þrjú.
Denis Cheryshev er nýkominn til Valencia frá Real Madrid og kom inná í síðari hálfleik viðureignarinnar.
Denis Cheryshev er nýkominn til Valencia frá Real Madrid og kom inná í síðari hálfleik viðureignarinnar.
Stuðningsmenn Börsunga fögnuðu innkomu Cheryshev af miklum eldmóð eins og má sjá á myndböndunum hér fyrir neðan, en það er vegna þess að hann er ástæðan fyrir því að Real Madrid var hent úr Konungsbikarnum.
Cheryshev byrjaði leik Real gegn Cadiz í bikarnum í haust og þá kom í ljós að hann átti að vera í leikbanni eftir að hafa fengið rautt spjald sem leikmaður Villarreal tímabilið áður.
Real var dæmt úr leik þrátt fyrir að leggja Cadiz að velli og því skiljanlegt að stuðningsmenn erkifjendanna í Barcelona hafi fagnað honum á Camp Nou.
Í fyrra myndbandinu má sjá stuðningsmenn Barcelona fagna innkomu Cheryshev frá stúkunni, en í því síðara er hægt að heyra fagnaðarlætin sem brutust út við innkomu hans eftir um það bil eina mínútu af myndbandinu.
Athugasemdir