Freyr Alexandersson, landsliðsþjálfari kvenna, hefur tilkynnt byrjunarliðið fyrir leikinn gegn Sviss í Algarve mótinu klukkan 15:00 í dag.

Íslenska liðið mun spila 4-2-3-1 í leiknum í dag.

Lára Kristín Pedersen mun spila sinn fyrsta landsleik en hún byrjar í vinstri bakverði. Lára er ein af fimm leikmönnum Stjörnunnar í byrjunarliðinu í dag.

,,Við ætlum að sitja aðeins til baka og pressa þegar það á við," sagði Ásmundur Haraldsson aðstoðarþjálfari í morgun.

,,Við ætlum að þétta og loka miðsvæðinu. Við ætlum ekki að leyfa þeim að komast bakvið okkur. Við sitjum aftar og þéttum allt til að loka öllum mögulegum svæðum."