Enski landsliðsmaðurinn Adam Johnson er grunaður um að hafa sofið hjá 15 ára gamalli stúlku. Nú hefur komið í ljós að handtaka hans átti sér stað í kjölfar þess að stúlkan montaði sig á netinu af því að vera í sambandi við hann og faðir hennar komst að því.
Johnson, sem leikur með Sunderland en var ekki í hóp gegn Hull City í gær, var handtekinn á mánudagsmorgun eftir að lögreglu barst ábending frá föður stúlkunnar.
Því er haldið fram að stúlkan, sem hefur ekki verið nefnd af lagalegum ástæðum, hafi montað sig af meintu sambandi sínu við leikmanninn við vini sína og á samfélagsmiðlum.
Þegar faðir hennar komst að þessu fór hann beint til lögreglunnar og Johnson var í kjölfarið handtekinn og yfirheyrður í nokkrar klukkustundir.
Stacey Flounders, kærasta Johnson, eignaðist þeirra fyrsta barn fyrir einungis sjö vikum og hefur móðir hennar haldið sakleysi leikmannsins fram.
Athugasemdir