Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   mán 04. maí 2015 09:35
Elvar Geir Magnússon
Bubbi Morthens: Ég er og verð KR-ingur
Bubbi á KR-vellinum.
Bubbi á KR-vellinum.
Mynd: Wikipedia
Frétt sem við birtum í gær vakti mikla athygli en einn þekktasti tónlistarmaður landsins, Bubbi Morthens, skellti sér í FH bol og söng FH lag í afmælisveislu um helgina.

Bubbi er yfirlýstur KR-ingur enda söng hann og samdi stuðningslag KR sem er líklega það best heppnaðasta sinnar tegundar hér á landi.

Bubbi er þó ekki orðinn FH-ingur en hann skrifaði ummæli við frétt Fótbolta.net.

Þar segist hann hafa verið að skemmta í afmæli hjá miklum FH-ingi. „Hann vissi ekki að vinir hans höfðu safnað pening fyrir afmælisgjöfinni sem var ég," segir Bubbi.

„Mig langaði að gleðja hann því ég sá hversu mikill aðdáandi hann var, þannig að ég fór í FH bol til að gleðja hann og bjó til FH-lagið á staðnum sem bónus eftir að haf sungið nokkur af mínum þekktustu lögum."

„Þegar ég sá gleðina hjá drengnum þá var það hverra mínútu virði. Ég er og verð KR-ingur en ég tel það ekki eftir mér að fara í bol merktum Fram, FH eða Val ef ég væri fengin til að skemmta þeirra mönnum. Þetta er mín vinna og ég er atvinnumaður og þetta kvöld var haldið fyrir FH-ing og ég gerði mitt besta til þess að það yrði honum ógleymanlegt. Ef einhver er ósáttur við það þá skaltu bara vera það verði þér það að góðu."
Athugasemdir
banner
banner
banner