Gunnar Már Guðmundsson og Arnór Eyvar Ólafsson voru fjarri góðu gamni þegar Fjölnir sigraði ÍBV 1-0 í fyrstu umferð Pepsi-deildarinnar í gærkvöldi.
Ágúst Þór Gylfason, þjálfari Fjölnis, vonast til að þeir verði báðir klárir í slaginn gegn Fylki eftir viku.
Ágúst Þór Gylfason, þjálfari Fjölnis, vonast til að þeir verði báðir klárir í slaginn gegn Fylki eftir viku.
„Ég reikna með að þeir komi inn í næsta leik. Það er smá hnjask á þeim en þeir verða báðir klárir," sagði Ágúst Gylfason þjálfari Fjölnis eftir leikinn í gær.
Kantmaðurinn Viðar Ari Jónsson spilaði í stöðu vinstri bakvarðar en Guðmundur Karl Guðmundsson, sem hefur spilað þá stöðu í vetur, fór á miðjuna í fjarveru Gunnars Más.
Miðvörðurinn Daniel Ivanovski var síðan hægri bakvörður í fjarveru Arnórs en þeir Bergsveinn Ólafsson og Atli Már Þorbergsson spiluðu í hjarta varnarinnar.
Athugasemdir