FH vann 3-1 útisigur gegn KR í fyrstu umferð Pepsi-deildarinnar í kvöld eftir að hafa lent undir í leiknum. Atli Guðnason skoraði tvívegis.
Lestu um leikinn: KR 1 - 3 FH
„Þetta er einn erfiðasti útivöllur landsins og frábært að taka þrjú stig. Mér fannst við vera skipulagðir og við vorum ekki að gefa mikið af færum á okkur. Vindurinn og völlurinn höfðu áhrif á leikinn og það voru fleiri innköst en gengur og gerist," sagði Heimir Guðjónsson, þjálfari FH.
„Við byrjuðum seinni hálfleikinn hræðilega og þeir komust sanngjarnt yfir. Það var sterkt að koma til baka. "
Jonathan Hendrickx fór meiddur af velli í seinni hálfleik.
„Ég var að heyra það núna fyrir mínútu að það eru 99% líkur á að hann sé fótbrotinn. Það eru skelfileg tíðindi fyrir hann og okkur. Frábær leikmaður og vonandi verður hann fljótur að jafna sig. Við verðum að senda honum baráttukveðjur," sagði Heimir.
Hvernig fannst honum spilamennskan í 4-4-2 ganga?
„Mér fannst það ganga upp og niður. Við hrærðum aðeins í þessu í seinni hálfleik og þá gekk ágætlega. Við mátum það þannig að þetta væri ekki völlur né veður til að vera með sambabolta."
Viðtalið er í heild í sjónvarpinu hér að ofan.
Athugasemdir
