„Ég tognaði aftan í læri en ég geri mér vonir um að vera klár í næsta leik. Ég er þokkalega bjartsýnn, þetta lítur ágætlega út," segir Hólmar.

Hann segir að það hafi verið erfitt að horfa á leikinn í gær úr stúkunni.

„Þetta var erfitt. Víkingarnir áttu skilið að vinna. Við vorum betri úti á vellinum að mínu mati en þeir nýttu færin sín. Þetta var ekki fallegur fótboltaleikur, þetta var barningur."

Keflavík heimsækir FH í Kaplakrika á sunnudag og gæti Hólmar verið klár gegn sínum fyrrum samherjum.