Arsene Wenger var í skýjunum eftir magnaða frammistöðu Arsenal gegn Hull City í ensku úrvalsdeildinni í kvöld.
Sigurinn gefur liðinu byr undir báða vængi í baráttunni við Manchester-liðin um 2. sætið.
Sigurinn gefur liðinu byr undir báða vængi í baráttunni við Manchester-liðin um 2. sætið.
„Við áttum góðan leik og ég sá góða blöndu af einbeitingu, sjálfsöryggi og hæfileikum í okkar leik," sagði Wenger.
„Þetta snýst allt um að enda í öðru sæti. Ég tel okkur örugga með eitt af fjórum efstu sætunum og núna einbeitum við okkur að næsta leik því við ætlum að enda í öðru sæti.
„Það hjálpar einbeitingunni að vera í úrslitaleik bikarsins og við höfum sýnt miklar framfarir á tímabilinu.
„Jack Wilshere er kominn til baka úr meiðslum og átti góðar 25 mínútur á vellinum. Það var sparkað fast í Ramsey og hann er bólginn en ætti ekki að missa af næsta leik."
Athugasemdir