þri 04. ágúst 2015 14:26
Elvar Geir Magnússon
AZ staðfestir að Aron sé á förum til Þýskalands - Sjáðu viðtal við Aron
Mynd: Getty Images
AZ Alkmaar hefur staðfest á heimasíðu sinni að bandaríski landsliðsmaðurinn Aron Jóhannsson sé á leið til Werder Bremen.

Hollenska félagið hefur tekið tilboði þýska úrvalsdeildarfélagsins í Aron og er hann nú í viðræðum um kaup og kjör.

Hér að neðan má sjá viðtal við Aron af heimasíðu AZ.

„Það er góð tilfinning að taka næsta skref á ferlinum og augljóslega er gott að fara í þýsku deildina sem er ein sú besta í heimi. Það eru spennandi tímar framundan," segir Aron í viðtalinu.

„Þegar Werder Bremen sýndi mér áhuga var þetta ekki mjög erfitt val. Maður er að fara í stærra félag í stærri deild. Þetta er skref í rétta átt fyrir mig."

„Ég lærði mikið hjá AZ Alkmaar og ég hef notið tímans hér. Ég mun sakna félagsins."


Athugasemdir
banner
banner
banner
banner
banner