Monaco er komið alla leið í umspilið fyrir riðlakeppni Meistaradeildarinnar eftir stórsigur á Svisslendingunum í Young Boys.

Stephan El Shaarawy kom inná á 74. mínútu leiksins og var búinn að skora fjórða og síðasta markið þremur mínútum síðar og vann Monaco viðureignirnar 7-1 samanlagt.

Manchester United er meðal þeirra liða sem Monaco getur mætt í umspilsleik um sæti í riðlakeppninni, en Monaco sló Arsenal út í 16-liða úrslitum á síðasta tímabili.