Hér eru listi yfir þá tíu leikmenn sem fréttamenn Football365 eru spenntastir fyrir að sjá í enska boltanum á komandi tímabili. Úrvalsdeildin fer af stað á laugardag og eru það skiljanlega nýlega keyptir leikmenn sem prýða listann.
10) Ibrahim Afellay (Stoke City) - Vinna Mark Hughes við að láta Stoke spila fallegan fótbolta. Annar leikmaður Börsunga er mættur og Stoke er með fleiri leikmenn sem hafa unnið Meistaradeildina en Liverpool, Arsenal og Man City!
9) Dimitri Payet (West Ham) - Á fjórtán landsleiki fyrir Frakkland en hann lagði upp mörk eins og enginn væri morgundagurinn fyrir Marseille síðasta tímabil. Nýtt uppáhald fyrir stuðningsmenn West Ham?
8) Patrick Bamford (Crystal Palace) - Eftir að hafa verið lánaður í neðri deildir fær enski sóknarmaðurinn ungi að láta ljós sitt skína í úrvalsdeildinni. Vinnusamur leikmaður sem er í eigu Chelsea en er lánaður til Palace.
7) Jordy Clasie (Southampton) - Gríðarlega hæfileikaríkur miðjumaður sem á 11 landsleiki að baki fyrir Holland. Miklar væntingar eru hjá Dýrlingunum fyrir þessum 24 ára leikmanni sem er uppalinn hjá Feyenoord.
6) Roberto Firmino (Liverpool) - Brasilíumenn hafa floppað ansi oft í enska boltanum en þeir sem hafa fylgst með Firmino síðustu tvö tímabil í Þýskalandi spá því að hann slái í gegn hjá Liverpool.
5) Petr Cech (Arsenal) - Einn besti markvörður heims færði sig um set í London. Mun hann gera gæfumuninn og vinna þau stig sem Arsenal hefur vantað til að blanda sér í baráttu um enska meistaratitilinn?
4) Aleksandar Mitrovic (Newcastle United) - Skoraði 36 mörk í 69 leikjum fyrir Anderlecht. Skoraði bæði gegn Arsenal og Borussia Dortmund síðasta tímabil.
3) Memphis Depay (Manchester United) - Hraði, kraftur og hæfileikar. Kemur frá Hollandi þar sem hann sló í gegn með PSV. Getur hann orðið einn besti leikmaður Evrópu?
2) Christian Benteke (Liverpool) - Menn skiptast í tvær fylkingar þegar kemur að því að spá hvort Benteke muni slá í gegn. Skoraði magnað mark í æfingaleik um helgina. Brendan Rodgers þarf að treysta á að Benteke floppi ekki!
Athugasemdir