Í kvöld var leikið í þrem riðlum í undankeppni EM í Frakklandi árið 2016.

Í D-riðli fóru Skotar illa að ráði sínu í Georgíu. Írland vann Gíbraltar aðeins með fjórum mörkum á meðan heimsmeistarar Þýskalands unnu sterkan sigur á Póllandi á heimavelli.

Vandræði Grikkja halda áfram en liðið er enn án sigurs eftir tap gegn Finnlandi á heimavelli í kvöld. Færeyingar töpuðu fyrir N-Írum en Ungverjaland og Rúmenía gerðu markalaust jafntefli.

Danir gerðu sömuleiðis markalaust jafntefli á Parken þar sem Albanir voru í heimsókn. Liðin eru því enn jöfn að stigum í 2.-3.sæti. Serbía vann Armeníu í uppgjöri botnliðanna.

Úrslit og markaskorarar kvöldsins.