Víkingur Ólafsvík tryggði sér sæti í Pepsi-deildinni í vikunni með 7-2 sigri á Grindavík. Guðmundur Reynir Gunnarsson, Björn Pálsson og Hrvoje Tokic áttu allir góðan dag þar og þeir eru í úrvalsliði umferðarinnar.

Milos Ivankovic og Bjarni Mark Antonsson voru í stuði þegar Fjarðabyggð lagði Þrótt og þeir Björgvin Stefánsson og Gunnlaugur Fannar Guðmundsson áttu stóran þátt í sigri Hauka á Selfyssingum.

KA skaust upp í 2. sætið með sigri á HK en Elfar Árni Aðalsteinsson skoraði tvö mörk þar og Josip Serdarusic eitt. Árni Freyr Ásgeirsson varði vítaspyrnu í tapi Gróttu gegn Þór en þar var Jónas Björgvin Sigurbergsson bestur hjá gestunum.