Wales getur tryggt sér farseðil á EM í Frakklandi næstkomandi sunnudag líkt og strákarnir okkar í íslenska landsliðinu.
Aldrei áður hefur Wales komist í lokakeppni EM en árið 1958 tók landið þátt í lokakeppni HM í Svíþjóð.
Stærsta stjarna liðsins, Gareth Bale, hefur reynst liðinu mikilvægur í undankeppninni en hann er búinn að skora sex af níu mörkum liðsins. Hann reyndist hetja liðsins á Kýpur í gærkvöldi þar sem hann skoraði eina mark leiksins á 82.mínútu.
„Við höfum aldrei gert þetta áður svo þetta verður örugglega erfitt. Við erum einbeitir og vitum hvað við þurfum að gera. Vonandi tekst okkur það á sunnudaginn".
„Ef okkur tekst þetta er þetta okkar stærsta afrek. Ef við komumst á mótið er það ótrúlegur áfangi. Ekki bara fyrir okkur heldur alla þjóðina og fótboltann í landinu".
Wales fær Ísrael í heimsókn til Cardiff á sunnudag.
Athugasemdir