Liverpool hefur aðeins tapað einum leik á þessari leiktíð en það var á móti Burnley í 2.umferð deildarinnar.

„Þetta er frábær áskorun. Þeir eru með mjög gott lið en afhverju ættum við ekki að geta unnið? Við erum á heimavelli og höfum sýnt að við getum keppt við hvern sem er. Við munum spila til sigurs," segir Howe.

Bournemouth er með fimmtán stig í tólfta sæti deildarinnar en Howe óttast ekki Liverpool þó hann viti hvers þeir eru megnugir.

„Við hræðumst ekkert. Sú vegferð sem þetta félag hefur verið á hefur skilað því að við getum keppt við lið eins og Liverpool."

„Þeir geta klárlega keppt um titilinn og ég dáist að því hvernig þeir spila. Þú veist fyrir hvað þeir standa og ég held að þetta verði svipaður leikur og gegn Arsenal því þeir búa yfir álíka gæðum," segir Howe.

Leikur Bournemouth og Liverpool hefst klukkan 13:30.