Belgíska hörkutólið Radja Nainggolan kveðst ekki sjá eftir því að hafa sagt nei við Chelsea í sumar.
Antonio Conte lagði mikla áherslu á að reyna að fá þennan 28 ára miðjumann með sér til Englands en Nainggolan sagði nei.
„Ég sé ekki eftir því að hafa hafnað því að ganga til liðs við Chelsea. Ég tók þessa ákvörðun því ég vil vera hérna og ég er ánægður með þá ákvörðun."
„Ég hef sagt það margoft áður að ég vil vinna til verðlauna hérna og ég trúi því að þetta félag geti náð árangri. Auðvitað er það alltaf gaman þegar stórlið taka eftir þér en ég sé ekki eftir neinu," segir Nainggolan.
Athugasemdir