Luis Suarez var svekktur með jafnteflið gegn Real Madrid í gær en Madridingar jöfnuðu á síðustu mínútu venjulegs leiktíma.
Úrugvæinn hafði komið Börsungum yfir í upphafi síðari hálfleiks og hann kveðst ánægður með spilamennsku liðsins í leiknum.
„Við vorum frábærir og sköpuðum fullt af færum en svona hlutir gerast í fótbolta. Ef þér tekst ekki að komast í 2-0 getur þetta alltaf komið fyrir."
„Við töpuðum tveim stigum en liðið gerði allt sem það gat til að ná í þrjú stig. Þetta var opinn leikur og þeim tekst að jafna á síðustu mínútunni," segir Suarez.
Börsungar eru því enn sex stigum á eftir Real Madrid þegar fjórtán umferðir eru búnar af mótinu en Madridarliðið er enn taplaust í deildinni.
„Það er mikilvægt fyrir okkur að vinna heimaleikina okkar og við vitum það. Nú er bara að halda áfram og vonandi fer Real Madrid að tapa stigum," segir Suarez.
Athugasemdir