Rúnar Már Sigurjónsson var á skotskónum þegar lið hans, Grasshopper, vann góðan útisigur á Lausanne í svissnesku úrvalsdeildinni í dag.

Rúnar Már kom Grasshopper yfir snemma leiks og eftir hálftíma leik var staðan orðin 0-2.

Heimamenn klóruðu í bakkann eftir rúmlega klukkutíma leik en fleiri urðu mörkin ekki og Grasshopper því í fimmta sæti deildarinnar.

Rúnar Már er á sínu fyrsta tímabili í Sviss og hefur skorað sex mörk í fimmtán leikjum í vetur.