Luis Suarez kom Börsungum yfir í upphafi síðari hálfleiks og leit lengi út fyrir að það yrði eina mark leiksins. Sergio Ramos kom sínum mönnum til bjargar nokkrum mínútum fyrir leikslok og jafnaði metin.

Real Madrid hefur nú leikið sautján útileiki í röð í öllum keppnum án þess að tapa og er það jöfnun á meti sem liðið setti undir stjórn Jose Mourinho.

Síðasta tap Real Madrid á útivelli var þegar liðið tapaði fyrir Wolfsburg í Meistaradeild Evrópu í apríl á þessu ári.