Hendrickx á 55 leiki að baki fyrir FH en er núna farinn yfir til Blika.
Belgíski bakvörðurinn Jonathan Hendrickx hefur gert góða hluti með FH undanfarin tímabil en hann yfirgaf Hafnarfjörðinn í sumar til að spreyta sig í Portúgal.
Hann er núna kominn aftur til Íslands og genginn til liðs við Breiðablik. Hann spilaði í 1-1 jafntefli gegn KR í kvöld og mun því mæta Stjörnunni í úrslitaleik Bose mótsins.
Hann er núna kominn aftur til Íslands og genginn til liðs við Breiðablik. Hann spilaði í 1-1 jafntefli gegn KR í kvöld og mun því mæta Stjörnunni í úrslitaleik Bose mótsins.
„Það er gott að vera kominn aftur eftir sex mánaða fjarveru. Þó ég sé ekki hjá FH þá er ég hjá Breiðablik sem er líka gott lið," sagði Hendrickx, sem lenti á Íslandi á föstudaginn.
„Mér leið vel í leiknum. Ég er í góðu formi og þarf í raun ekki undirbúningstímabilið, en það er gott að vera kominn snemma til að kynnast félaginu og liðsfélögunum."
Hendrickx er sáttur með spilamennsku Blika í leiknum og telur sig passa vel inn í leikstíl Kópavogsbúa.
„Mér fannst við spila vel í dag, við sköpuðum mikið af færum en náðum ekki að nýta þau nógu vel.
„Leikstíll liðsins hentar mér mjög vel, ég er ekki mikið fyrir að spila í liði sem reiðir sig á löngum boltum og líkamsstyrk."
Athugasemdir
