„Stuðningsmenn vilja ekki heyra mig segja þetta en það er ekki hægt að gera kröfu á að hann fari úr því að gera ekkert yfir í að breyta vatni í vín. Það jákvæða er að leiðin er greið núna. Það er ekkert sem getur truflað hann," segir Pulis.

„Á næstu vikum getum við vonandi komið honum í það gott stand að hann geti farið að byrja leiki í ensku úrvalsdeildinni. Ég vil ekki missa hann svo við þurfum að fara verlega með hann. Hann hefur lagt sig fram á æfingum en er enn aðeins of þungur og þyngri en hann var síðasta tímabil."

Berahino vildi ólmur losna frá West Brom síðasta sumar og hefur ekki fengið að spila mikið á tímabilinu eftir heiftarleg rifrildi við Jeremy Peace, eiganda félagsins

West Brom er í fjórtánda sæti ensku úrvalsdeildarinnar, átta stigum fyrir ofan fallsæti.