fös 05. febrúar 2016 12:03
Elvar Geir Magnússon
Morten Beck Andersen í KR (Staðfest)
Morten Beck Andersen
Morten Beck Andersen
Mynd: Getty Images
KR hefur samið við Morten Beck Andersen, 28 ára sóknarleikmann sem kemur frá danska úrvalsdeildarliðinu Hobro IK. Frá þessu er greint á heimasíðu KR.

Morten fór í gegnum unglingastarfið hjá AGF í Danmörku, en síðar lék hann svo hjá Skive IK og Silkeborg IF.

Morten hefur spilað 180 leiki í efstu og næstefstu deild í Danmörku og skorað í þeim 61 mark.

Hobro rifti samningi við leikmanninn í upphafi mánaðarins en hann hafði ekki náð að festa sig í sessi í byrjunarliði liðsins.

Danskir dagar halda því áfram hjá KR-ingum en fyrr í vikunni var það staðfest að Kennie Chopart, sem lék frábærlega með Fjölni seinni hluta síðasta tímabils, væri búinn að semja við KR-inga sem höfnuðu í þriðja sæti Pepsi-deildarinnar í fyrra. Þá gekk Michael Præst til liðs við KR í haust.

Komnir:
Finnur Orri Margeirsson frá Lilleström
Indriði Sigurðsson frá Viking
Michael Præst frá Stjörnunni
Kennie Chopart frá Fjölni
Morten Beck Andersen frá Danmörku

Farnir:
Emil Atlason í Þrótt
Grétar Sigfinnur Sigurðarson í Stjörnuna
Jónas Guðni Sævarsson í Keflavík
Kristinn Jóhannes Magnússon hættur
Rasmus Christiansen í Val
Sören Frederiksen í Viborg
Þorsteinn Már Ragnarsson í Víking Ó.
Athugasemdir
banner
banner
banner
banner