Tomas Rosicky, miðjumaður Arsenal, verður frá keppni í allt að þrjá mánuði vegna meiðsla á læri.

Hinn 35 ára gamli Rosicky verður samningslaus í sumar og því gæti hann hafa leikið sinn síðasta leik með Arsenal.

„Ég vona að það sé ekki tilfellið en meiðslin eru nokkuð alvarleg," sagði Arsene Wenger stjóri Arsenal.

Rosicky meiddist gegn Burnley um síðustu helgi en það var fyrsti leikur hans fyrir Arsenal í heila sjö mánuði.