Campbell tjáir sig af og til um Tottenham, stuðningsmönnum félagsins til mikillar gremju, og þessi nýjustu ummæli hans eru langt frá því að vera vinsæl þar sem hann segir að liðinu vanti alvöru sigurvegara.

„Tottenham hafa verið að standa sig mjög vel upp á síðkastið, en ég held að það sé hægt að segja það sama um Spurs og hægt er að segja um Leicester - það vantar alvöru sigurvegara í herbúðir liðanna," skrifaði Campbell.

Tottenham er í þriðja sæti úrvalsdeildarinnar, aðeins tveimur stigum frá Manchester City og fimm frá toppliði Leicester.

„Það sem ég meina er að þessi lið eru ekki með leikmenn innanborðs sem hafa reynslu af því að vinna deildir sem eru álíka gæðamiklar og Úrvalsdeildin.

„Þeir eru með mjög hæfileikaríkt og ungt lið, en það vantar leikmann sem heldur mönnum yfirveguðum á ögurstundu, leikmann sem hefur upplifað það að vinna stærstu titlana."