„Já auðvitað ætti enska úrvalsdeildin að hafa áhyggjur," segir Arsene Wenger, stjóri Arsenal um peningaflæðið í Kína.
„Kína virðist hafa fjármagn til að flytja fótboltann í Evrópu til Kína. Þetta sem er í gangi er afleiðing af efnahagslegum krafti sem Kína hefur."
„Kína virðist hafa fjármagn til að flytja fótboltann í Evrópu til Kína. Þetta sem er í gangi er afleiðing af efnahagslegum krafti sem Kína hefur."
„Munu þeir halda áfram í þessa átt og halda í löngunina til að styrkja deildina? Það á eftir að koma í ljós. Gleymum því ekki að Japan spýtti í lófana en svo hægðist á þessu hjá þeim. Ég veit ekki hversu sterk löngunin hjá Kína er en ef það er sterk pólitísk löngun til að stækka fótboltann í landinu ættum við að hafa áhyggjur."
„Kína býr til verðbólgu á markaðnum en verðbólgan er annars við hurðina vegna sjónvarpssamningsins sem tekur gildi í sumar. Ég er viss um að það sé ekki langt í að leikmaður verði keyptur fyrir 100 milljónir punda," segir Wenger.
Peningarnir flæða um kínversku deildina en á síðustu dögum eru Ramires, Alex Teixeira og Jackson Martínez meðal leikmanna sem þangað hafa verið keyptir á háar fjárhæðir.
Athugasemdir