Helgi Sigurðsson er stoltur af frammistöðu sinna manna eftir 3-2 tap gegn Fjölni í úrslitaleik Reykjavíkurmótsins.
Fylkismenn voru sérstaklega öflugir í síðari hálfleik og óheppnir að skora ekki fleiri mörk.
Fylkismenn voru sérstaklega öflugir í síðari hálfleik og óheppnir að skora ekki fleiri mörk.
„Þetta var mjög skemmtilegur leikur. Það voru fimm mörk og fullt af færum og svoleiðis á þetta að vera á þessum tíma. Bæði lið lögðu mikið í þetta og ætluðu sér sigur," sagði Helgi.
„Það er erfitt að vinna fótboltaleik ef þú færð þrjú mörk á þig. Það er ekki líkt okkur að leyfa þeim að skora svona auðveld mörk. Ég held að þetta sé í fyrsta skipti síðan ég tók við sem við fáum 3 mörk á okkur í mótsleik."
Helgi segir nafna sinn, Helga Val Daníelsson, byrja að æfa með liðinu í vikunni. Helgi Valur verður 37 ára í sumar en hann á farsælan feril að baki og hefur leikið 33 A-landsleiki.
„Þetta er góð viðbót við góðan hóp. Við teljum okkur vera með góðan hóp og viljum byggja á ungu strákunum og gefa þeim sénsa. Auðvitað er það alltaf þannig að ef einhver góður leikmaður vill koma til okkar þá skoðum við það."
Athugasemdir
