Þórir Guðjónsson skoraði öll mörk Fjölnis í 3-2 sigri á Fylki í úrslitaleik Reykjavíkurmótsins í Egilshöllinni í kvöld.
Þórir var ánægður að leikslokum og viðurkenndi að leikurinn hafi tekið mikið á.
Þórir var ánægður að leikslokum og viðurkenndi að leikurinn hafi tekið mikið á.
„Þetta var geggjaður leikur og það var virkilega gaman að vinna Fylki. Þeir eru með hörkulið og við þurftum að hafa fyrir sigrinum," sagði Þórir við Fótbolta.net.
„Ég er gríðarlega sáttur og liðið stóð sig vel. Þetta er gott fyrir sjálfstraustið en ég er ekki búinn að setja mér nein markmið fyrir sumarið."
Þórir segist vera sáttur með Ólaf Pál Snorrason, nýjan þjálfara Fjölnis.
„Óli er toppþjálfari, ég er virkilega sáttur með hann. Það eru aðrar áherslur og öðruvísi æfingar heldur en í fyrra. Það er bara jákvætt að krydda þetta aðeins."
Athugasemdir