„Eftir að ég vaknaði í morgun var það áfall að sjá umfjöllun fjölmiðla um leikinn í gær. Ég vil koma því á hreint að ég hrækti ekki á Papiss Cisse," segir varnarmaðurinn Jonny Evans hjá Manchester United í yfirlýsingu sem hann gaf frá sér áðan.
„Ég tók ekki eftir neinu atviki tengdu hráku og þessi umræða kemur mér gríðarlega á óvart. Það er ekki í mínum persónuleika eða nátturu að hrækja á einn eða neinn. Ég hef aldrei gert það og mun aldrei gera það."
Á myndbandsupptökum virtist sem Evans hefði hrækt á Cisse sem svaraði í sömu mynt.
Enska knattspyrnusambandið skoðar atvikið sem átti sér stað í leik sem Manchester United vann 1-0 gegn Newcastle í gær.
Athugasemdir